Som fagansvarleg mekanisk i Sunnhordland kraftlag står du i front for å halda hjartet i våre vasskraftanlegg i topp stand, for å sikra høgast mogleg oppetid og utnytta driftsstansar best mogleg til å optimalisera vedlikehald.
I tillegg har NVE nyleg tilrådd utbygging av eit nytt stort kraftverk på 220MVA som fagansvarleg får ei nøkkelrolle i.
I både utvikling og vedlikehald er du ein nøkkelperson i å finna praktiske og gode løysingar i samarbeid med andre fagansvarlege, leverandørar og samarbeidspartnarar. Stillinga er plassert i Avdeling Teknisk drift og vedlikehald og rapporterer til teknisk sjef/driftsleiar.
Arbeidsoppgåver
Fagansvarleg mekanisk, det vil seia leia og koordinera mekanisk arbeid i våre kraftverk.
Leggja føringar for mekaniske val knytt til nybygg og oppgraderingar.
Utarbeida og oppdatera vedlikehaldsplanar og dokumentasjon for drift og vedlikehald
Sikra at tekniske krav og standardar blir følgde og oppdaterte.
Samarbeida tett med internt fagmiljø, leverandørar og eksterne aktørar for å sikra optimal drift og vedlikehald.
Din kompetanse
Bachelor- eller mastergrad innan maskinteknikk eller anna relevant teknisk fag. Relevant erfaring kan kompensera for utdanning.
Erfaring frå vasskraftbransjen er ein fordel, men ikkje eit krav.
God kjennskap til vedlikehaldsplanlegging og teknisk dokumentasjon.
Norsk språk, skriftleg og munnleg
Førarkort klasse B
Dine personlege eigenskapar
Lærevillig og ønskje om å læra mest mogleg om kraftverk
Analytisk med evne til å sjå livstidskost
Strukturert og sjølvstendig i arbeidsstilen, med gode kommunikasjonsevner
Samarbeidsorientert og likar å jobba på tvers av fagområde og team
Me tilbyr
Du får arbeida i ein av dei viktigaste bransjane samfunnet har.
Moglegheiter for fagleg utvikling og vidareutdanning.
Eit godt og inkluderande arbeidsmiljø.
Ein fleksibel arbeidskvardag med moglegheiter for delvis heimekontorordning.
Firmabil og gode løns-, pensjons- og velferdsordningar som hytter, trening og helseforsikring.
For den som får jobben, blir det gjort bakgrunnssjekk i tråd med kraftberedskapsforskrifta.
Arbeidsstad: Matre i Kvinnherad men delvis bruk av kontor i Etne eller på Stord kan vurderast.
Nyfiken? Har du spørsmål eller ønsker ein uforpliktande samtale om stillinga? Ta kontakt med vår rekrutteringsrådgivar i Human; Magnus Ånestad på 992 67 888. Du kan òg kontakta teknisk sjef/driftsleiar Eirik Ulvenes på 975 56 134, eller avdelingsleiar for teknisk drift og vedlikehald, Tore Storhaug på 909 39 434.
Om SKL
Sunnhordland Kraftlag AS (SKL) er blant dei ti største produsentane av rein energi frå vind- og vasskraft i Norge og eig i kraftverk med samla installert effekt på 875 MW. Desse produserer årleg omlag 3 200 GWh i Vestland- og Rogaland fylke. Hovudkontoret er på Stord. SKL har stort fokus på vekst innan fornybar energi og har fleire vasskraftverk under bygging og planlegging. SKL deltek også i utvikling av offshore vindkraft og grøn hydrogenproduksjon.
